Ghevi un ziu de nom Giancarlo,
l'era bravu cun la moto,
cunt i machen e i bei tusan.
Ghevi un ziu de nom Giancarlo,
ghe piaseva ná a maneta,
cun la porsche e la bmw.
El cureva cum'é un matt adre ai don,
ai signuren, e ai putan.
L'era bravu ul ziu Giancarlo,
l'era semper in mez al bar a fá
baldoria cun gli amis.
Dac a tra semper ai olter,
lé finí cul frequentá
di malament e spaciadur.
De carater l'eva bon
che lé finí ancá in di guai
cun la preson.
Ma che bel quant el rivava
cun la moto e la murusa.
Sevem le semper de föra
a spiciá ul zio Giancarlo.
Sevem me el mé fredel
amó bagai ghe favem festa.
Ghe piaseva ancá stimas cui bei vestí
ul ziu Giancarlo,
quant el era innamurá cun la sua bella
ul ziu Giancarlo.
Ma purtrop ul ziu Giancarlo,
ghe piaseva fá la vita de marel e farfalon,
e da quand el sé spusá, la sua vita lé cambiada
el sé stracá el sé spartí,
ma inveci de cercá la libertá
el se metü cunt i amis druga.
Ma che bel quant el rivava cun la porsche
ul ziu Giancarlo,
sevem le semper de föra a spiciá
ul zio Giancarlo,
ghe purtava semper a fá un gir a centalura.
L'era vif e disperá cum'é un bagai
de quindesann.
L'era semper generus
e ghe piaseva fá i regai.
L'era semper spiritus
el gheva un don de la natüra.
Ma la vita tanti völt ooh mee
lé propri ingiüsta.
Quanti amis e quanta gent
vureva bee al ziu Giancarlo.
Ma la sua vita scapestrada
cun la droga la brusada.
Ma la sua vita scapestrada
cun la droga la brusada...
Autore by FM giugno 2009
